సిద్ధరామయ్య - 'ఇంకెవరు కొత్తగా ముఖ్యమంత్రి అవుతారు..? నేనే సీఎంగా..'
కాంగ్రెస్ అధికారంలోకి వస్తే మళ్లీ సీఎం అవుతానని సీనియర్ నేత సిద్ధరామయ్య స్పష్టం చేశారు.
రాష్ట్రంలో కాంగ్రెస్ పార్టీ అధికారంలోకి వస్తే తిరిగి తానే ముఖ్యమంత్రి అవుతానని సీనియర్ నేత సిద్ధరామయ్య స్పష్టం చేశారు. ఈ మేరకు కర్ణాటకలోని హసన్‌ జిల్లాలో జరిగిన ఛలో రాజ్‌భవన్‌ పాదయాత్రలో ఆయన మాట్లాడారు. ఈ సందర్భంగా ఆయన మాట్లాడుతూ తన వయస్సు గురించి మాట్లాడొద్దంటూ కార్యకర్తలకు సూచించారు. వయస్సు చూసి టికెట్లు ఇచ్చే పరిస్థితి ఇప్పుడు లేదన్నారు. కొత్తవారికి అవకాశం ఇవ్వాలని పార్టీ ఆలోచించడం లేదని ఆయన తెలిపారు. సీఎం అభ్యర్థి ఎవరనేది పార్టీ హైకమాండ్ నిర్ణయిస్తుందని సిద్ధరామయ్య వెల్లడించారు. కాగా, మునుపటి ముఖ్యమంత్రి సిద్ధరామయ్య కాంగ్రెస్‌లో సీనియర్ నేతగా ఉన్నారు. 2013 నుంచి 2018 వరకు రాష్ట్ర ముఖ్యమంత్రిగా పనిచేశారు. కాంగ్రెస్ పార్టీ మళ్లీ అధికారంలోకి వస్తే రాష్ట్రంలోని అనేక సమస్యలను పరిష్కరిస్తామని ఆయన తెలిపారు. ముఖ్యంగా నిరుద్యోగ సమస్యను పరిష్కరించి, రైతులకు రుణ మాఫీ చేస్తామని హామీ ఇచ్చారు. ఈ సందర్భంగా బీజేపీ ప్రభుత్వంపై ఆయన తీవ్రస్థాయిలో విమర్శలు గుప్పించారు. చిన్నారులపై లైంగిక దాడులు జరుగుతున్నా పోలీసులు చర్యలు తీసుకోవడం లేదని ఆయన ఆరోపించారు. బీజేపీ ప్రభుత్వ పాలనలో రాష్ట్రంలో అరాచక పాలన నెలకొందని ఆయన విమర్శించారు. కాగా, కర్ణాటకలో వచ్చే ఏడాది అసెంబ్లీ ఎన్నికలు జరగనున్నాయి. ఈ ఎన్నికల్లో కాంగ్రెస్ పార్టీ అధికారంలోకి రావాలని సిద్ధరామయ్య తీవ్రంగా ప్రయత్నిస్తున్నారు. కాంగ్రెస్ పార్టీకి మద్దతు పలికేలా రాష్ట్రవ్యాప్తంగా పాదయాత్రలు, సభలు నిర్వహిస్తున్నారు.
Komentar